Meirihluti landsmanna er fylgjandi því að ríkið greiði listamönnum starfslaun og hefur stuðningur við launin farið úr 39% í 58% á undanförnum áratug.
Það er niðurstaða könnunar sem MMR gerði fyrir Launasjóð listamanna, að því er fram kemur í Morgunblaðinu í dag.
Sterk fylgni er milli menntunar og jákvæðrar afstöðu til listamannalauna. 44% svarenda með grunnskólapróf eru fylgjandi laununum, 54% þeirra sem lokið hafa framhaldsskólanámi og 73% þeirra sem lokið hafa háskólanámi. Lágt hlutfall stjórnenda, 42%, styður þó launin.