Lögreglan á Akureyri þurfti að kalla út björgunarsveitir á Akureyri og Varmahlíð seint í gærkvöldi vegna ófærðar á Öxnadalsheiði en þar höfðu ökumenn lent í vandræðum. Meðal annars flutningabíll og smærri bifreiðar.
Öxnadalsheiðin er ófær og þæfingur er á Vatnsskarði. Búast má við dimmum éljum og skafrenningi á fjallvegum og því geta akstursskilyrði versnað.