695 sagt upp í 17 hópuppsögnum í mars
Setja bókamerki
Alls hafa sautján fyrirtæki tilkynnt Vinnumálastofnun um hópuppsagnir í mars. Einstaklingarnir sem missa störfin sín eru 695 talsins. Að sögn Unnar Sverrisdóttur, forstjóra Vinnumálastofnunar, er líklegt að fleiri tilkynningar um hópuppsagnir berist á morgun, síðasta dag marsmánaðar.
Til samanburðar þá barst Vinnumálastofnun 21 tilkynning um hópuppsögn allt síðasta ár, sem var það mesta á einu ári síðan 2009.
„Ég hef ekki séð þessa tölfræði síðan í hruninu, ég get fullyrt það,“ segir Unnur og á þar við tölfræði fyrir vinnumarkaðinn í heild sinni. Fjölmargir misstu vinnuna við gjaldþrot WOW air í fyrra en þar var um eitt tilvik að ræða.
Flest fyrirtækin eru starfandi á Suðvesturlandi og hlutfallslega miðað við íbúafjölda eru flestar uppsagnirnar á Suðurnesjum.
Fyrr í dag var 101 starfsmanni sagt upp hjá Isavia, auk þess sem 37 til viðbótar verður boðið áframhaldandi starf í minnkuðu starfshlutfalli til framtíðar.
„Útlitið er dökkt“
Unnur segir að mörgum þeirra sem sóttu um hefðbundnar atvinnuleysisbætur í mars hafi verið sagt upp í desember og janúar. Þetta fólk sem núna hefur verið sagt upp skilar sér ekki í kerfið fyrr en í maí, júní og júlí, miðað við hefðbundinn uppsagnarfrest. „Útlitið er dökkt,“ segir hún.
Hún segir ruðningsáhrifin vegna kórónuveirunnar vera mikil í ferðaþjónustunni í heild sinni en vonar að fyrirtækin muni ráða eitthvað af fólkinu til baka ef ástandið í efnahagslífinu batnar. Þess vegna er ekki öruggt að allar uppsagnirnar komi til framkvæmda.
Norskur lögreglumaður dæmdur
Þyngri refsing fyrir að nauðga stjúpdóttur æskuvinar
Vonast til að tjaldbúðir við HÍ standi áfram
„Höfum ekki náð að skríða upp úr þeirri gryfju“
Kaldasti veturinn kom að óvörum
Bergnuminn í Hvalfirði
Hvorki sést áður hér á landi né annars staðar