Fyrsti maðurinn sem lenti á öndunarvél vegna kórónuveirusýkingar hér á landi er útskrifaður af gjörgæslu og kominn á almenna deild.

Þessu greindi Páll Matthíasson, forstjóri Landspítalans, frá á upplýsingafundi vegna kórónuveirunnar rétt í þessu. Maðurinn er sá fyrsti sem losnar úr öndunarvél eftir alvarleg veikindi af völdum COVID-19.

Páll segir þetta miklar gleðifréttir fyrir aðstandendur, starfsfólk og okkur öll.

Alls liggja nú 12 á gjörgæslu vegna kórónuveirusýkingar, ellefu á Landspítalanum og einn á Akureyri. Þar af eru níu á öndunarvél, þar af einn á Akureyri.

Af þeim sem hafa þurft á innlögn að halda vegna kórónuveirusýkingar eru 30 útskrifaðir.

Tengdar fréttir

Kórónuveiran Covid-19

Heimsfaraldurinn var æfing í seiglu

• Engar aukaverkanir eftir 217 bólusetningar
• „Við þurfum að vera tilbúin“
• Ríkið hafði betur gegn skjólstæðingi Arnars
• Hæstiréttur staðfestir efndaskyldu tveggja hótela

» Fleiri tengdar fréttir

• Blogga um frétt