Staðfestum kórónuveirusmitum fjölgaði um 24 síðastliðinn sólarhring og er heildarfjöldi staðfestra smita því orðinn 1.586. Einn hinna smituðu er yfir 100 ára gamall.
Þetta kemur fram á covid.is.
Alls voru 235 sýni tekin hjá sýkla- og veirufræðideild Landspítalans og 877 hjá Íslenskri erfðagreiningu. Jákvæð sýni voru 23 hjá Landspítalanum og 1 hjá Íslenskri erfðagreiningu.
71% þeirra sem greindust voru í sóttkví. 39 liggja á spítala, þar af 13 á gjörgæslu. Sex eru látin.