Búnaðurinn stenst kröfur, nema grímurnar
Setja bókamerki
Lækningabúnaðurinn sem kom til landsins í gær frá Kína stenst að mestu leyti gæðakröfur spítalans. Þetta sagði Páll Matthíasson, forstjóri Landspítalans, á blaðamannafundi almannavarna í dag.
Tvær flugvélar komu til landsins í gær með búnað, sú fyrri með öndunarvélar en sú síðari með maska, andlitshlífar, grímur og hlífðargalla sem alls vógu 17 tonn. Páll segir öndunarvélarnar virka vel og þær geri spítalanum kleift að bregðast við svörtustu sviðsmyndum um þróun kórónuveirufaraldursins.
„Okkur sýnist að hlífðarsloppar og hlífðarfatnaður séu jafnvel af meiri gæðum en við áttum von á, en grímurnar eru ekki alveg eins og við væntum,“ sagði Páll. Þær væru þó nothæfar.
„Þannig er það bara þegar við kaupum varning frá framleiðendum sem ekki hafa verið notaðir áður. Jafnvel þótt hann sé vottaður frá framleiðendum veit maður ekki hversu hentugur hann er fyrr en maður fær hann í hendur.“
Banna mengandi búnað sem leyfður er á Íslandi
„Höfum ekki náð að skríða upp úr þeirri gryfju“
Strand skemmtiferðaskips kallar á erlenda aðstoð
Telur forsendur fyrir vaxtalækkun
Norskur lögreglumaður dæmdur
Nemendur í HÍ reistu tjaldbúðir án leyfis
Mál hjúkrunarfræðingsins fer aftur fyrir héraðsdóm