Allt tiltækt lið slökkviliðsins á höfuðborgarsvæðinu er statt í Vallahverfinu í Hafnarfirði vegna sinuelds. Að sögn varðstjóra er um mikinn eld að ræða og ekki hefur tekist að ná tökum á honum.
Slökkviliðið var kallað út á sjöunda tímanum en að sögn varðstjóra brennur á býsna stóru svæði.
Þurrt hefur verið á svæðinu síðustu daga og þar er hvasst núna. Slökkviliðsmenn vinna að niðurlögum eldsins en varðstjóri segir verkið erfitt.