Fjöldi eftirskjálfta — einn 3,3 að stærð
Um 80 eftirskjálftar hafa fylgt skjálftanum stóra frá því í nótt.
Ljósmynd/Veðurstofan
Setja bókamerki
Eftir yfirferð sérfræðinga á Veðurstofu Íslands hefur stærð jarðskjálftans sem varð um 10 kílómetra norðvestur af Gjögurtá laust eftir klukkan þrjú í nótt verið endurmetin sem 4,4, ekki 4,7, að stærð.
Þrátt fyrir það er enn um að ræða stærsta skjálftann sem mælst hefur á svæðinu frá 21. júní þegar skjálfti 5,8 að stærð mældist.
Um 80 eftirskjálftar hafa fylgt í kjölfarið, einn þeirra að stærð 3,3 klukkan fimm mínútur yfir sjö í morgun.
Skjálftahrinan við mynni Eyjafjarðar hófst 19. júní og hefur sjálfvirka jarðskjálftakerfi Veðurstofunnar staðsett yfir 14.000 skjálfta síðan þá. Þrír skjálftar yfir 5 að stærð hafa mælst í hrinunni.
Bergnuminn í Hvalfirði
Kaldasti veturinn kom að óvörum
Skaut sex sinnum að feðginum á aðfangadagskvöld
Væri að ljúga ef ég segðist ekki stressaður
Sex hafa greinst með listeríu
Mál hjúkrunarfræðingsins fer aftur fyrir héraðsdóm
Gígbarmurinn hækkað frá því í gær