Íþróttahöll yfirgefin í áratugi

Húsið hefur staðið fokhelt frá 1983 og í umræðu er …
Húsið hefur staðið fokhelt frá 1983 og í umræðu er að sprengja húsið. mbl.is/Sigurður Bogi

Stórhýsi í landi Reykjaness í Grímsnesi, sem reist var á vegum Íþróttabandalags Reykjavíkur, hefur staðið hálfbyggt og fokhelt í tæplega fjörutíu ár.

Fyrirætlanir um að útbúa þarna æfingabúðir fyrir íþróttafélög í borginni runnu út í sandinn og framkvæmdum var hætt árið 1983.

Húsið í Reykjanesi er alls um 1.400 fermetrar og aldrei varð af því að reisa á staðnum íþróttahús eða koma upp sundlaug og keppnisvöllum eins og til stóð þegar jörðin var keypt í fyrrnefndum tilgangi árið 1971.

Einkaaðilar keyptu Reykjanesið fyrir rúmlega 20 árum. Þeir nýta jörðina en húsið hefur verið aukaatriði í málinu. Ýmsar hugmyndir hafa þó verið um nýtingu þess, svo sem að breyta því í munkaklaustur eða dvalarheimili aldraðra. Þá sýndi Ástþór Magnússon athafnamaður húsinu á sínum tíma áhuga og vildi starfrækja þar friðarsetur, að því er fram kemur í umfjöllun um mannvirki þessi í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 1.890 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »