Vinkvennaferð að hluta í boði Icelandair Hotel
Setja bókamerki
Áhrifavaldur sem stóð fyrir vinkvennaferð segir að hugsa hefði mátt betur þátttöku Þórdísar Kolbrúnar Reykfjörð Gylfadóttur ferðamálaráðherra. Þetta kemur fram í frétt Stundarinnar.
Hún segir fjórar kvennanna hafa fengið fríðindi frá Icelandair Hotel en ráðherra borgað fyrir allt sitt.
Rangfærslur í frétt Stundarinnar
„Þórdís Kolbrún fór á laugardag ásamt vinkonum sínum í „botnlausan bröns“ á veitingastaðnum Vox og í heilsulind á Hilton Nordica, sem bæði eru í eigu Icelandair Hotels, sem aftur er í eigu Icelandair Group,“ segir í frétt Stundarinnar.
Leiðrétt - samkvæmt upplýsingum frá Evu Laufeyju snæddu þær um kvöldið á VOX en í hádeginu var snætt á Kol þar sem hver og ein einasta greiddi fyrir sig.
Eins er rétt að halda því til haga að Icelandair seldi Icelandair Hotels fyrr á árinu.
Eva Laufey Kjaran Hermannsdóttir, fjölmiðlakona, matarbloggari og áhrifavaldur, skipulagði fagnaðinn. Birti hún myndir af hittingnum á Instagram, þar sem hún er með nær 34 þúsund fylgjendur og var birtingin merkt sem samstarf við Icelandair Hotels.
„Samstarfið fólst í því að ég og þrjár vinkonur mínar frá Akranesi fengu gistinguna,“ segir Eva Laufey í samtali við Stundina. „Þetta voru reikningsviðskipti, eins og samstarf sem ég er með við Hagkaup og MS, nema í öðru formi. Ég sendi þeim reikning fyrir minni vinnu og fæ reikning á móti. Þetta er viðskiptadíll.“
Aðspurð hvort það sé ekki hjálplegt fyrir kynningarefnið að nafntoguð manneskja eins og ráðherra sé með á myndunum segir Eva að svo geti verið. „Jú, auðvitað er þetta kannski vandmeðfarið og ég hefði átt að hugsa þetta betur,“ segir hún enn fremur í viðtali við Stundina.
Telur forsendur fyrir vaxtalækkun
Skaut sex sinnum að feðginum á aðfangadagskvöld
Vonast til að tjaldbúðir við HÍ standi áfram
Kaldasti veturinn kom að óvörum
Frambjóðendur skila inn listum í Hörpu
Breytingar á skipulagi fréttadeildar RÚV