Slökkvilið höfuðborgarsvæðisins fékk ábendingu frá öryggisfyrirtæki um kl. fjögur í nótt um að viðvörunarkerfi hefði farið í gang í iðnaðarhúsnæði í Reykjavík og grunur væri um gasleka.
Að sögn varðstjóra reyndist grunurinn ekki á rökum reistur en undanfarinn sólarhringur hefur verið erilsamur hjá slökkviliðinu, ekki síst sjúkraflutningafólki. Alls var farið í 128 sjúkraflutninga þar af voru 27 forgangsflutningar og 27 Covid-19-flutningar.
Í gær kviknaði í húsi í Kórahverfi og urðu töluverðar skemmdir á innanstokksmunum.