Leitarsvæðið hefur verið þrengt að nýju að sögn Friðriks Jónasar Friðrikssonar sem stýrir aðgerðum á fyrir austan. Leit stendur yfir að ungum manni í Stafafellsfjöllum í Lóni.
Leitarsvæðið var víkkað út í morgun en hefur nú verið þrengt eftir að nýjar vísbendingar bárust að sögn Friðriks. Tugir björgunarsveitarmanna taka þátt í leitinni og um hádegi bætist þyrla Landhelgisgæslunnar við en slæmt veður hefur hamlað þátttöku hennar. Gul viðvörun er í gildi á svæðinu og hefur veður verið slæmt á þessum slóðum frá því í gærkvöldi.