Hefur áhrif víða ef stoðir bresta

Magn af útfluttum óunnum fiski í gámum nam á síðasta ári um helmingi þess magns sem fór í gegnum fiskmarkaði á árunum 2018 og 2019. Þessi útflutningur jókst talsvert þessi ár, en árið 2017 var magnið talsvert minna.

Þetta er meðal þess sem kemur fram í skýrslu um útflutning á óunnum fiski í gámum, sem Sjávarútvegsmiðstöð Háskólans á Akureyri hefur unnið.

Skýrslan var kynnt á fundi atvinnuveganefndar Alþingis í gærmorgun og er hluti af ítarlegum svörum fimm ráðuneyta við spurningum atvinnuveganefndar síðasta haust.

Fram kemur í svari ráðuneytanna að framboð á fiskmörkuðum hefur ekki breyst að neinu ráði á síðastliðnum þremur árum þótt magn útflutnings á óunnum fiski hafi aukist. Í skýrslunni segir að eins og staðan sé í dag sé varla hætta á að fiskvinnsla flytji úr landi í stórum stíl en sala óunnins fisks hafi þó vissulega aukist verulega, að því er fram kemur í umfjöllun um mál þetta í Morgunblaðinu í dag.

Frétt af mbl.is

Íslendingar fá meira fyrir þorskinn en Norðmenn