„Alveg svakaleg mistök hjá Bjarna“

„Mér finnst þetta vera alveg svakaleg mistök hjá Bjarna. Þetta er vont innlegg inn í sóttvarnirnar,“ segir Líneik Anna Sævarsdóttir, þingmaður Framsóknarflokks, í samtali við mbl.is. Segir hún veru Bjarna Benediktssonar, fjármála- og efnahagsráðherra, í fjölmennri samkomu á Þorláksmessu alvarlega uppákomu.

Samkoman var leyst upp af lögreglu, en ekki hafði verið farið eftir sóttvarnareglum. Aðspurð segir Líneik að málið komi ekki endilega til með að hafa áhrif á stöðu Bjarna. „Ég sé þetta ekki hafa áhrif á stöðu hans en það þarf að sjálfsögðu að ræða málin.“

Frétt af mbl.is

„Ég er ekki að hugsa um að segja af mér“

Axlar ekki ábyrgð með svona hegðun

Að hennar sögn kemur atvikið upp á vondum tíma. Fram undan séu bólusetningar auk þess sem allir verði að leggjast á eitt til að halda faraldrinum í skefjum. „Það er svo mikilvægt að hvert og eitt okkar axli ábyrgð og verndi þannig fólkið í kringum okkur,“ segir Líneik og bætir við að óvíst sé með áhrifin á samstarf ríkisstjórnarflokkanna.

Frétt af mbl.is

Málið er alvarlegt og mun hafa áhrif

„Ég sé þetta ekki endilega hafa áhrif á samstarfið, en hann er alveg klárlega ekki að axla ábyrgð á sóttvörnum með svona mistökum. Við erum að glíma við farsótt og það er mikilvægt að við vöndum okkur í því verkefni.“

Bjarni Benediktsson og Þóra Margrét Baldvinsdóttir, eiginkona hans. mbl.is/Eggert Jóhannesson

• Blogga um frétt