Íbúar á suðvesturhorni landsins mega búast við því að jörð skjálfi áfram vegna mikillar skjálftavirkni á svæðinu. Veðurstofan biður fólk um að kynna sér viðbrögð og viðbúnað vegna jarðskjálfta. 

Þetta segir Sigríður Magnea Óskarsdóttir, náttúruvásérfræðingur hjá Veðurstofu Íslands. Mikill fjöldi skjálfta hefur skekið jörð á suðvesturhorninu, sá stærsti 5,7 að stærð, á síðasta klukkutímanum.

Spurð hvort búast megi við frekari skjálftum segir Sigríður Magnea:

„Það er ekkert óeðlilegt á meðan virknin er enn svona sterk. Það getur tekið tíma fyrir jörðina að losa sig við svona mikla orku. Það má alveg búast við því að þetta taki einhvern tíma.“

Tilkynningar frá öllu suðvesturhorninu

Veðurstofan hefur fengið tilkynningar um að fólk hafi orðið vart við skjálftann á öllu suðvesturhorni landsins og einnig í Vestmannaeyjum. Engar tilkynningar um skemmdir hafa borist veðurstofunni. 

„Það má alveg búast við áframhaldandi virkni miðað við hvað þetta hefur verið kröftugt síðasta hálftímann,“ segir Sigríður Magnea.

Hún biður fólk um að kynna sér viðbrögð og viðbúnað vegna jarðskjálfta á síðu almannavarnadeildar ríkislögreglustjóra.

Tengdar fréttir

Eldvirkni á Reykjanesskaga

Nærri tíu milljónir rúmmetra af kviku

• Gylfi Þór ráðinn í samhæfingu vegna Grindavíkur
• Hvorki sést áður hér á landi né annars staðar
• Gígbarmurinn hækkað frá því í gær
• Helmingur umsókna samþykktur fyrir vikulok

» Fleiri tengdar fréttir

• Blogga um frétt