„Algjörlega óviðunandi“

Að mati umboðsmanns barna, Salvarar Nordal, er algörlega óviðunandi að ítrekað séu lögð fyrir samræmd próf í prófakerfi sem af skipuleggjendum er metið „algjörlega ófullnægjandi“ eins og reynslan hefur sýnt.

Frestun prófa felur í sér aukið álag fyrir nemendur sem margir hafa undirbúið sig fyrir töku prófanna í lengri tíma og því er nauðsynlegt að menntamálaráðuneytið taki tafarlaust af skarið og annaðhvort tryggi fullnægjandi prófakerfi eða felli alfarið niður samræmd próf.

Þetta kemur fram á vef umboðsmanns barna í gær en í samræmdu könnunarprófi í íslensku sem lagt var fyrir 9. bekk í gærmorgun komu upp tæknileg vandamál í prófakerfi, sem urðu þess valdandi að fresta þurfti próftöku. 

Frétt af mbl.is

Prófum frestað og prófið endurtekið

Fyrir um þremur árum komu einnig upp tæknileg vandamál og tókst fjölmörgum nemendum þá ekki að ljúka prófi. Í framhaldi af því ákvað mennta- og menningarmálaráðherra að þeir nemendur sem þess óskuðu fengju möguleika á að taka prófið aftur og var því jafnframt haldið fram að tæknilegir örðugleikar af þessum toga væru úr sögunni.

• Blogga um frétt