Óvíst hvort þing verði kallað saman
Setja bókamerki
„Við göngum út frá því að hafa fund á morgun,“ segir Helga Vala Helgadóttir, formaður velferðarnefndar Alþingis, í ljósi úrskurðar héraðsdóms þar sem ákvörðun stjórnvalda um að skylda fólk í sóttvarnahús var dæmd ólögmæt í öllum málum sem tekin voru fyrir.
Þar sem Alþingi er í páskahléi þyrfti forseti þingsins, Steingrímur J. Sigfússon, að kalla saman þing svo að hægt verði að leggja fram frumvarp um breytingar á sóttvarnalögum.
Skiptir sköpum í þeim efnum hvort Svandís Svavarsdóttir heilbrigðisráðherra hyggist leggja fram frumvarp til breytinga á sóttvarnalögum, í þeim tilgangi að veita úrræðinu lagastoð, en nefndin bíður svara frá ráðherra.
Mun nefndin fara þess á leit að lög verði sett sem heimili skyldudvölina?
„Það eru skiptar skoðanir í nefndinni um hvað fólk vill gera. Einhverjir vilja að sett verði lög til að heimila skyldudvöl í sóttvarnahúsi, aðrir vilja það ekki.“
Finnst þér tilefni til að setja slík lög?
„Ég hef talað fyrir því að það ætti að hafa skýrari reglur í lögunum. Fyrir öllum þvingunaraðgerðum stjórnvalda verða að vera heimildir í lögum. En ég treysti Þórólfi til að meta aðgerðir, því nú er ég ekki vísindamaður,“ svarar Helga.
Ekki hefur náðst í heilbrigðisráðherra vegna málsins.
Kostnaður meiri en milljón á fermetra
Hvorki sést áður hér á landi né annars staðar
Bergnuminn í Hvalfirði
Telur forsendur fyrir vaxtalækkun
Vonast til að tjaldbúðir við HÍ standi áfram
„Höfum ekki náð að skríða upp úr þeirri gryfju“
Væri að ljúga ef ég segðist ekki stressaður