Lögreglan á Suðurnesjum handtók um liðna helgi erlendan karlmann í Flugstöð Leifs Eiríkssonar eftir að grunur vaknaði hjá tollvörðum um að viðkomandi hefði fíkniefni meðferðis.
Við frekari skoðun á farangri mannsins fundust fíkniefni falin í ferðatösku, 1 kg af meintu kókaíni.
Lögreglan handtók viðkomandi sem var svo úrskurðaður í gæsluvarðhald í kjölfarið. Rannsókn málsins er á frumstigi, að því er lögreglan greinir frá í tilkynningu.