Pilturinn sem mætti í Fjölbrautaskóla Suðurnesja með loftbyssu fyrir viku síðan og skaut úr henni á glerhurð var ekki að ógna neinum.
Þetta segir Guðlaug Pálsdóttir, skólameistari FS, í samtali við mbl.is.
Hún segir piltinn, sem er yngri en 18 ára, hafa hleypt skotinu af í mjög afmörkuðu umhverfi og að hann segi þetta hafa verið slysaskot.
Engin hræðsla greip um sig í skólanum, að hennar sögn, enda uppgötvaðist atvikið ekki fyrr en síðastliðinn mánudag.
Spurð hvort öryggismál verði endurskoðuð í kjölfar atviksins segir hún að farið verði yfir það sem gerðist með öryggisnefnd skólans.