26 kórónuveirusmit greindust innanlands síðastliðinn sólarhring. Innanlandssmit voru 29 sólarhringinn áður.
Átján voru í sóttkví við greiningu og átta greindust utan sóttkvíar.
Helmingur smitaðra reyndust fullbólusettir eða þrettán og hinn helmingurinn óbólusettur.
336 eru nú í einangrun með veiruna, 773 í sóttkví og 377 í skimunarsóttkví.
Þetta kemur fram í uppfærðum tölum á upplýsingavef stjórnvalda vegna heimsfaraldursins, Covid.is.
Sex eru inniliggjandi á Landspítalanum með Covid-19, fjórir á bráðalegudeildum og tveir á gjörgæslu og í öndunarvél.
Þrjú smit greindust á landamærum Íslands.
Fréttin hefur verið uppfærð.