Á miðnætti tóku í gildi afléttingar á takmörkunum vegna kórónuveirunnar en almennar takmarkanir miðast núna við 2.000 manns í stað 500.
Reglurnar sem eru núna í gildi:
- Almennar fjöldatakmarkanir 2.000 manns í stað 500.
- Nándarregla óbreytt 1 metri, með sömu undantekningum og verið hafa, s.s. á sitjandi viðburðum og þjónustu sem krefst mikillar nándar.
- Með notkun hraðprófa má víkja frá fjöldatakmörkunum og nándarreglu.
- Grímuskyldu aflétt að frátöldum sérstökum reglum á heilbrigðisstofnunum.
- Skráningarskyldu á viðburðum og veitingahúsum aflétt.
- Opnunartími veitingastaða þar sem heimilaðar eru áfengisveitingar lengdur um klukkustund, til kl. 01:00. Rýma þarf staði fyrir kl. 02:00.