Einum dómaranna í Landsréttarmálinu veitt lausn

Jón Finnbjörnsson hefur fengið lausn frá embætti landsréttardómara frá og með 22. september 2022 þegar hann verður 65 ára. Í byrjun árs verður staða hans auglýst laus til umsóknar. Þetta kemur fram í skriflegu svari dómsmálaráðuneytisins til mbl.is.

Jón er einn þeirra fjög­urra dóm­ara sem var meðal um­sækj­enda um dómarastöðu í nýstofnuðum Landsrétti en var ekki met­inn hæf­ast­ur af hæfnisnefndinni.

Frétt af mbl.is

Jón Finnbjörns í 30. sæti hjá hæfisnefndinni

Frétt af mbl.is

Yfirréttur MDE staðfestir dóm í Landsréttarmálinu

Í svari frá ráðuneytinu segir að Jón hefur ekki getað sinnt starfi sínu síðan dómur Mannréttindadómstólsins féll og hefur því verið í launuðu leyfi síðan 2019.

„Jóni hefur ekki verið kleift að sinna dómstörfum frá því að dómur Mannréttindadómstóls Evrópu í Landsréttarmálinu féll. Fær hann því lausn með vísan til 4. mgr. 52. gr. dómstólalaga. Lausnin er veitt í samráði við Jón og dómstólasýsluna.“

Jón sótti um embætti dóm­ara við Lands­rétt sem aug­lýst var laust til um­sókn­ar 20. nóv­em­ber 2020. Hann var ekki metinn hæfastur. 

Frétt af mbl.is

Símon metinn hæfastur í embætti landsréttardómara

Hinir þrír dómararnir sem Landsréttarmálið snerist um hafa aftur sótt um dómarastöðu hjá dómsstólnum og fengið stöðuna.

• Blogga um frétt