Höggbylgjan mældist á Íslandi
Gervihnattamyndir sýna risavaxinn gosmökk rísa upp í að minnsta kosti 30 kílómetra hæð á stuttum tíma.
AFP
Setja bókamerki
Sprengingin sem varð við neðanjarðareldgosið í eldstöðinni við Tonga-eyjar í nótt náði að hrista veðrahvörfin og heiðarhvolfið svo um munaði og barst þrýstibylgja á hljóðhraða um allan hnöttinn.
Kom bylgjan fram á loftþrýstimælum um allan heim, klukkan hálf sex síðdegis hér á Íslandi, um þrettán og hálfri klukkustund eftir að sprengingin varð.
Þetta kemur fram í færslu Trausta Jónssonar veðurfræðings sem hann skrifar á mbl.is-bloggið sitt.
„Blái ferillinn sýnir hér meðaltal þrýstings á 50 veðurstöðvum á Íslandi nú síðdegis. Rauði ferillinn sýnir hins vegar meðaltal þrýstibreytingar 10 mínútna á þessum 50 stöðvum. Meðaltalið rís nokkuð skarpt um kl.17:20 en fellur hraðast um kl.17:50 - breytingin reiknast minni þess á milli - líklega vegna þess að tímamunur er á komu bylgjunnar austanlands og vestan,“ segir í færslu Trausta.
Mynd/skjáskot
Kristín Jónsdóttir, hópstjóri náttúruvárvöktunar hjá Veðurstofu íslands, setti þá inn mynd á Twitter-síðu sína þar sem sjá má ummerki bylgjunnar.
Þar segir: „Við fylgjumst með jarðskjálftavirkni hjá okkur á Íslandi sem mig grunar að stafi af höggbylgju frá eldgosinu í Tonga.“
Eru að vakta stöðuna í bólusetningum barna
Fullyrðir að kindurnar beri ekki eftirlitslausar
„Þakklátur að hanga í toppsætunum“
/frimg/1/48/82/1488234.jpg)
Aðeins níu meðmælendur í öðru framboðinu
Gosopið gæti stækkað á ný: „Eitthvað í aðsigi“
Fjallabak, Sprengisandur og niður í Eyjafjörð