Óvissustigi vegna snjóflóðahættu hefur verið lýst yfir á norðanverðum Vestfjörðum og Mið-Norðurlandi sem tekur gildi á miðnætti.

Þetta kemur fram á vef Veðurstofunnar.

Frétt af mbl.is

Lýsa yfir hættustigi

Í nótt og í gær féllu mörg snjóflóð á Norðanverðum Vestfjörðum, meðal annars í Skutulsfirði, í Álftafirði og í Önundarfirði.

Þá segir að vitað er um veikt lag í snjóþekjunni á Vestfjörðum og á Norðurlandi sem getur verið varasamt ef fólk er á ferð um brattlendi.

Á Tröllaskaga hafa nokkur allstór flóð fallið yfir Ólafsfjarðarveg um helgina.

Einnig féllu allstór flóð úr Strengsgili og Jörundarskál ofan Siglufjarðar í nótt, aðfaranótt sunnudags.

„Í ljósi þessara aðstæðna er rétt að vara fólk sem fer um svæði þar sem snjóflóð geta fallið við hættu á snjóflóðum næsta sólarhringinn,“ segir í tilkynningunni.

Tengdar fréttir

Óveður í febrúar

„Ófremdarástand sem kemur niður á öllum“

• Gul viðvörun í allan dag
• Eitt erfiðasta vatnsárið í sögu Landsvirkjunar
• Þyrlan kölluð út vegna ferðamanna á Vatnajökli
• Kobbi Láka úr þjónustu eftir að hafa sokkið

» Fleiri tengdar fréttir

• Blogga um frétt