Fjórar tilkynningar um menn í annarlegu ástandi bárust lögreglustöð eitt, sem þjónustar Austurbæ, miðbæ og vesturbæ Reykjavíkur ásamt Seltjarnarnesi, í gærkvöldi.
Þetta kemur fram í dagbók lögreglunnar á höfuðborgarsvæðinu.
Þá komu fjársvikamál, afbrigðileg hegðun og ofsaakstur á borð lögreglustöðvarinnar á sama tíma.
Í Breiðholti var tilkynnt um Alzheimer-sjúkling sem hafði týnst um miðja nótt. Hann fannst skömmu síðar, heill á húfi.
Nokkrir ökumenn voru stöðvaðir í Árbæ vegna gruns um akstur undir áhrifum fíkniefna.