Bensín aldrei dýrara

Hátt eldsneytisverð kemur sér illa fyrir tekjulága og þá sem …
Hátt eldsneytisverð kemur sér illa fyrir tekjulága og þá sem búa á landsbyggðinni. AFP

Bensínverð er nú í hæstu hæðum og hefur aldrei veið dýrara. Ódýrasti bensínlítrinn í sjálfsafgreiðslu á höfuðborgarsvæðinu er hjá Costco þarf þar að greiða fyrir aðgangskort en þar kostar lítrinn 274,8 af bensíni en 284,7 af dísel. Stjórnvöld vilja ekki lækka álögur á eldsneytisverð. 

Hægt er að fá lítrann af bensíni á 274,8 kr. og lítrann af dísel á 284,7 kr. hjá Costco, en þar þarf að greiða árgjald fyrir aðgangskort. Dýrast er bensínið hjá N1 en þar kostar bensínlítrinn 315,9 kr. og dísellítrinn 312,9 kr. Þessar upplýsingar má nálgast á vefnum gsmbens­in.is eða gasvaktin.is.

„Þetta er auðvitað skuggaleg staða sem kemur illa við fyrirtæki og heimili. Við höfum lagt það til við stjórnvöld að, hið minnsta kosti tímabundið verði skattar og gjöld á eldsneyti lækkuð. Við höfum sent formlegt erindi um það en það hefur ekki verið tekið jákvætt í það. Við höfum séð þetta gert í nágrannalöndunum að það hafi verið tekið til slíkra aðgerða til að draga úr þessum mikla kostnaðarauka. Svo liggur það fyrir að hátt eldsneytisverð bitnar hlutfallslega verst á þeim sem verst hafa umleikis og þeim sem búa í dreifðari byggðum og sækja þurfa þjónustu lengri veg,“ segir Runólfur Ólafsson, fram­kvæmda­stjóri Fé­lags ís­lenskra bif­reiðaeig­enda.

Hvort eldsneytisverð muni hækka segir hann „Það er erfitt að vera spámaður í þessu“ bendir hann á að fáir hafi reiknað með því að Rússar myndu ráðast inn í Úkraínu og það hafi haft gífurleg áhrif á eldsneytisverð í heiminum.

„Vegna hækkunar á verði bensínlítrans frá byrgjum, þá hefur eðlilega krónutalan sem felst í virðisaukaskattinum hækkað gríðarlega. Það má segja að ríkissjóður hafi tekjuauka miðað við óbreytta neyslu. Svo það má segja að það sé borð fyrir báru,“ segir Runólfur Jafnframt.

mbl.is