Skjálfti, 3,5 að stærð, varð norðaustan við Eldey við Reykjanestána laust eftir klukkan átta í gærkvöldi.
Óvissustig almannavarna ríkir enn vegna jarðskjálftahrinunnar á Reykjanesi. Þegar hún stóð sem hæst mældust um 3800 skjálftar á einum sólarhring við Þorbjörn, eða frá Eldvörpum í vestur að Stóra Skógfelli í austri.
Virknin hefur verið nokkuð óstöðug undanfarna viku en frá miðnætti hafa mælst um hundrað skjálftar.