Verkið á áætlun

Verkið er tekið í áföngum og eitt styður annað í …
Verkið er tekið í áföngum og eitt styður annað í löngu ferli. mbl.is/Hákon Pálsson

Starfsmenn verktakafyrirtækisins Eyktar vinna þessa dagana að uppsteypu á meðferðarkjarna nýs Landspítala og er framgangur verksins samkvæmt áætlun.

Í framvindu verksins hafa komið upp mörg óvænt mál sem leysa þurfti úr, að sögn Gunnars Svavarssonar, framkvæmdastjóra Nýs Landspítala ohf. Stálframboð hafi til dæmis breyst mikið á umliðnum mánuðum vegna innrásar Rússa í Úkraínu. Stríðsreksturinn hafi haft mikil áhrif á allan byggingarmarkaðinn.

Um þessar mundir er unnið að ýmsum verkefnum sem lúta að hönnun á nýju húsi fyrir heilbrigðisvísindasvið Háskóla Íslands. Sú bygging mun tengjast svonefndum Læknagarði í Vatnsmýri.

Í næstu viku skrifar heilbrigðisráðherra undir samning um fullnaðarhönnun á 3.800 fermetra nýbyggingu við endurhæfingardeildina á Grensási í Reykjavík. Þá stendur einnig yfir vinna við stoðbyggingar nýja spítalans, það er geymsluhús, flokkunarstöð og eldhús. Öll þau verkefni eru á fullri ferð, en gert er ráð fyrir að tækjavæðing og flutningur á spítalann verði á árunum 2027 og 2028. 

Nánar má lesa um málið í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Kauptu vikupassa

Lestu meira með vikupassa!

Fáðu þér vikupassa fyrir 2.185 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »