Enn um 200 pláss laus sem ekki er verið að nýta
Setja bókamerki
Alls eru 583 tólf mánaða og eldri börn á biðlista eftir leikskólaplássi hjá Reykjavíkurborg. Þetta eru nýjustu tölur yfir biðlistabörn, en þær eru síðan 26. ágúst. Þá er nú byrjað að innrita börn sem eru fimmtán til sextán mánaða gömul.
Þetta kom fram á fundi borgarstjórnar í dag. Er þetta fyrsti fundur borgarstjórnar eftir sumarfrí. Hófst hann klukkan tvö í dag og stendur enn yfir. Leikskólamálin voru annað mál á dagskrá.
Árelía Eydís Guðmundsdóttir, borgarfulltrúi Framsóknarflokksins og formaður skóla- og frístundaráðs, og Skúli Helgason, borgarfulltrúi Samfylkingarinnar og formaður stýrihóps borgarinnar í uppbyggingu leikskóla, fóru yfir stöðuna á leikskólavandanum.
Eins og mbl.is greindi frá fyrr í dag mættu foreldrar biðlistabarna með börn sín á fund borgarstjórnar.
Mbl.is greindi frá því um miðjan ágúst um 200 leikskólapláss væru laus en ónýtanleg. Í máli Árelíu kom fram að enn væru rúmlega 200 pláss laus. Sagði hún að unnið væri að því að bjóða foreldrum þau.
Byrjuðu að bjóða plássin í gær
Í máli Skúla kom fram að í gær hefði borgin byrjað að bjóða fimmtán til sextán mánaða börnum leikskólapláss.
Þá sagði hann að íslenskt samfélag þyrfti frekar að ræða að lengja fæðingarorlofið upp í átján eða tuttugu og fjóra mánuði.
Kallaði hann einnig eftir því að ríki, sveitarfélög og háskóli tækju höndum saman um að fjölga fagfólki á leikskólum. Þá telur hann að einnig þurfi að taka vel á móti útlendingum sem flytja til landsins og eru með leikskólamenntun, þó vanti upp á íslenskukunnáttu.
Kveðst tala af virðingu: „Ég er enginn dóni“
„Þögnin er ærandi“
Fjárfestingin 115 milljarðar króna
Aukin tíðni þungunarrofa hjá yngsta aldurshópnum
Þrjú og hálft ár fyrir skotárás í Úlfarsárdal
Benda á Samgöngustofu sem bendir út í heim
Ofsóttur innan veggja Boeing
Markaðurinn hitnar og leiguverð hækkar hratt