Auglýst eftir tíu framkvæmdastjórum

Miklar breytingar eru í farvatninu hjá Landspítalanum þar sem nýtt skipurit á að taka gildi í byrjun næsta árs, 1. janúar 2023. 

Runólfur Pálsson, forstjóri Landspítala, segir að meginmarkmiðin með breytingunum séu að efla starfsemi spítalans og leggja megináherslu á klíníska þjónustu hans. Breytingar eru gerðar meðal stjórnenda spítalans. Störf forstöðumanna falla niður en framkvæmdastjórum fjölgar. 

Nú er auglýst eftir tíu framkvæmdastjórum fyrir spítalann og eru stöðurnar þessar:

• Framkvæmdastjóri reksturs og mannauðs
• Framkvæmdastjóri lyflækninga og bráðaþjónustu
• Framkvæmdastjóri kvenna- og barnaþjónustu
• Framkvæmdastjóri klínískrar rannsóknar- og stoðþjónustu
• Framkvæmdastjóri öldrunar- og endurhæfingarþjónustu
• Framkvæmdastjóri geðþjónustu
• Framkvæmdastjóri skurðlækningaþjónustu og skurðstofu- og gjörgæsluþjónustu
• Framkvæmdastjóri hjarta- og æðaþjónustu og krabbameinsþjónustu

Nánari upplýsingar um starfslýsingar er hægt að sjá á vef Landspítalans hér. 

Umsóknarfrestur er til 18. nóvember næstkomandi.

• Blogga um frétt