Einn var fluttur á slysadeild til skoðunar eftir að eldur kom upp í íbúð í Garðabæ um hálfþrjúleytið í dag.
Samkvæmt upplýsingum frá slökkviliðinu á höfuðborgarsvæðinu kviknaði eldur út frá potti á eldavél og var talsvert mikill reykur inni í íbúðinni. Eldurinn náði þó ekki að breiðast út.
Einn var inni þegar eldurinn kviknaði og náði sá að koma sér út úr íbúðinni sjálfur.
Slökkviliðið reykræsti íbúðina og var íbúinn fluttur á slysadeild til skoðunar.