Jarðskjálfti af stærðinni 3,5 varð um 3 km norður af Reykjanestá klukkan 12.49 í dag. Nokkrir minni skjálftar hafa fylgt í kjölfarið.
Náttúruvársérfræðingur hjá Veðurstofunni segir ekki óeðlilegt að skjálfti af þessari stærðargráðu verði á svæðinu, enda séu skjálftar þar algengir.
Þá hefur Veðurstofan ekki fengið neinar tilkynningar um að fólk hafi fundið fyrir skjálftanum.