Á síðasta fundi í umhverfis- og skipulagsráði Reykjavíkur lögðu fulltrúar meirihlutaflokkanna fram tillögu um að bæta umferðarmál í Skeifunni. Skoðað verði meðal annars að setja beygjuvasa til að auðvelda akstur inn á stæði Elko/Krónunnar, bæta gönguleið meðfram Skeifunni, frá Grensásvegi að verslun Hagkaupa, og setja upp stæði fyrir örflæðilausnir.
Í greinargerð með tillögunni kemur fram að Skeifan sé vinsælt verslunarsvæði fyrir borgarbúa. Rekstraraðilar hafi komið með ábendingar um lausnir til að liðka fyrir umferð. Bent hafi verið á að umferð stoppi gjarnan vegna beygju inn á bílastæði verslunarhúsnæðis sem í dag hýsir Krónuna og Elko.
Lesa má meira um málið í Morgunblaðinu í dag.