Lögreglunni á höfuðborgarsvæðinu barst tilkynning í dag um innbrot á bílaleigu, þar sem kveikjuláslyklum og bílum var stolið. Málið er nú í rannsókn.
Þetta kemur fram í dagbók lögreglu en þó nokkuð hefur verið um innbrot á höfuðborgarsvæðinu í dag.
Í Hlíðunum brutust tveir einstaklingar inn í verslun. Þeir fóru af vettvangi á bíl og er málið nú í rannsókn.
Þá var tilkynnt um innbrot í nýbyggingu á svæði stöðvar 4, þ.e.a.s. Grafarvogi, Árbæ og Mosfellsbæ, þaðan sem stolið var verkfærum og fleira.