Efnaframleiðslurisinn SABIC, dótturfélag Saudi Aramco, hyggst framleiða ammoníak með umhverfisvænni aðferð sem íslenska sprotafyrirtækið Atmonia hefur þróað.
Hefðbundin ammoníaksframleiðsla notast við jarðgas og verða til allt að 2,5 tonn af koltvísýringi fyrir hvert tonn af ammoníaki. Aðferð Atmonia byggist á rafgreiningu og losar engan koltvísýring, auk þess að bjóða upp á minni framleiðslueiningar sem þurfa ekki jafn mikla og stöðuga orku og venjulegar ammoníaksverksmiðjur.
Gangi allt af óskum munu SABIC og Atmonia hefja framleiðslu á ammoníaki árið 2028 eða 2029.
Hægt er að nálgast umfjöllunina í heild sinni í Morgunblaðinu í dag.