Slökkviliðinu á höfuðborgarsvæðinu barst tilkynning um að bátur væri sokkinn í Kópavogshöfn um níuleytið í gærkvöldi.
Að sögn varðstjóra var báturinn, sem er sex metra langur, farinn að halla mikið þegar slökkviliðið kom á vettvang. Ekki var gripið til neinna aðgerða af hálfu slökkviliðsins, en eigandi bátsins var látinn vita.
Tilkynnt var um einn vatnsleka og var hann í Gerðunum í Reykjavík um tíuleytið í gærkvöldi. Þar hafði vatn borist ofan í kjallara.