Hjúkrunarfræðingurinn sýknaður
Setja bókamerki
Hjúkrunarfræðingurinn sem ákærður var fyrir manndráp á sjúklingi á geðdeild Landspítalans hefur verið sýknaður. Dómur í málinu var kveðinn upp nú fyrir skemmstu í Héraðsdómi Reykjavíkur.
Ákæruvaldið gaf út ákæru á hendur Steinu Árnadóttur hjúkrunarfræðingi fyrir manndráp og brot í opinberu starfi. Var henni gefið að sök að hafa banað sjúklingi á geðdeild Landspítalans, konu á sextugsaldri, með því að þvinga ofan í hana næringardrykk. Drykkurinn hafi farið í loftveg konunnar með þeim afleiðingum að hún kafnaði. Atvikið átti sér stað 16. ágúst árið 2021.
Við aðalmeðferð málsins nú í lok maí kom fram að ákæruvaldið hygðist ekki fara fram á tiltekna refsingu heldur legði það í mat dómsins hver refsing Steinu skyldi vera. Vísaði saksóknari í málinu, Dagmar Ösp Vésteinsdóttir, til eldri dómsmála þar sem sakborningar hlutu 14 ára og 16 ára dóma.
Lögmaður móður hinnar látnu fór fram á að hinni ákærðu yrði gert að greiða 14,5 milljónir í miskabætur auk þess sem henni yrði gert að greiða útfararkostnað og málskostnað til dánarbúsins.
Hjólandi fjölgar hægt en örugglega
„Jæja, Jón forseti bara mættur“
11 verða í framboði til embættis forseta Íslands
Umdeild einkennismerki lögreglunnar
Fullyrðir að kindurnar beri ekki eftirlitslausar