Almannavarnateymi Grindavíkur fundar
Setja bókamerki
Fannar Jónasson, bæjarstjóri í Grindavík, segir menn hafa fundið mjög greinilega fyrir skjálftanum um hálf átta leytið í morgun, sem mældist upp á 4,3. Eins voru fleiri skjálftar í nótt sem menn sváfu mis vel af sér, „enda menn ýmsu vanir í Grindavík“.
Fannar segist ekki hafa fengið fregnir af skemmdum í bænum eða af því að hlutir hafi færst úr stað. Hann segir almannavarnateymi bæjarins ætla að koma saman í hádeginu til að ræða næstu viðbrögð. Eins munu bæjaryfirvöld fylgjast vel með hvað kemur af fundi vísindamanna sem hefst klukkan níu.
Komi til eldsumbrota þá sé það lán í óláni að slíkt gerist á besta tíma ársins. Komi til eldsumbrota á Fagradalssvæðinu þá sé það líka þekkt og fjarri mannabyggðum.
Fannar segir bæjaryfirvöld hafa undanfarið farið yfir mismunandi sviðsmyndir um áhrif mögulegra eldsumbrota á innviði. Þá sé einkum verið að skoða áhrif á veitu- og vegakerfi. Mikill og góður undirbúningur liggi því fyrir til að bregðast við ólíkum aðstæðum.
Að einhverju leyti orðin uppiskroppa með land
Færa sig af neyðarstigi á hættustig
Landspítali skaðabótaskyldur vegna læknamistaka
„Þyngra en tárum taki“ – Vert að skoða þvinganir
Gæti valdið uppskerubresti
„Ég bara hreinlega sagt man það ekki“
Stakk mann eftir kossaflens og fær fimm ára dóm