Stór jarðskjálfti varð í Mýrdalsjökli í kvöld. Fyrstu mælingar gefa til kynna að hann hafi verið 3,5 að stærð.
Þetta staðfestir Salóme Jórunn Bernharðsdóttir, náttúruvársérfræðingur á Veðurstofu Íslands, í samtali við mbl.is.
Skjálftinn varð klukkan 23.17 og hefur Veðurstofu ekki borist tilkynningar um að hann hafi fundist í byggð. Salóme segir þó líklegt að hann hafi fundist í Þórsmörk og þar í grennd.