Tekist hefur að koma á heitu vatni í vesturhluta Grindavíkurbæjar að sögn Úlfars Lúðvíkssonar, lögreglustjóra á Suðurnesjum, en vinna hófst í gærkvöldi og stóð yfir í nótt að hans sögn.

Frétt af mbl.is

Engin virkni sjáanleg í gossprungunni

„Það er búið að hleypa vatni á vesturhluta byggðarinnar sem er stærsta íbúðarbyggð bæjarins. Vinnan í dag snýst um að reyna koma vatni á austurhluta byggðarinnar sem og rafmagninu,“ segir Úlfar við mbl.is en í gærkvöld tókst að koma rafmagni aftur á í vesturhluta Grindavíkur.

Úlfar Lúðvíksson, lögreglustjóri á Suðurnesjum. mbl.is/Kristinn Magnússon

Bærinn mjög illa farinn

Úlfar segir að bærinn sé mjög illa farinn eftir atburði síðustu sólarhringa en margar nýjar sprungur opnuðust í bænum og eldri sprungur gliðnuðu enn frekar.

Frétt af mbl.is

Rafmagn komið á í vesturhluta Grindavíkur

„Bærinn var illa farinn fyrir þetta gos sem hófst á sunnudaginn og margar nýjar sprungur hafa opnast. Nú er vinna í gangi að kortleggja sprungusvæðið og koma rafmagni og hita á allan bæinn. Bærinn er ekki fyrir aðra en viðbragðsaðila og þá sem eru að sinna verðmætabjörgun. Það lítur út fyrir að gosið sé að deyja út en svo tekur bara óvissan við á þessu svæði,“ segir Úlfar.

Tengdar fréttir

Eldvirkni á Reykjanesskaga

Magnús Tumi: Gýs líklega á næstu dögum

• Tíðni jarðskjálfta eykst við Sundhnúkagígaröðina
• „Næsta lota er yfirvofandi“
• „Miklar líkur á rýmingu á næstu sólarhringum“
• Fyrsta 360 gráða yfirlitsmyndin frá goslokum

» Fleiri tengdar fréttir

• Blogga um frétt