Rafmagn er aftur komið á í vesturhluta Grindavíkur. Þetta sést á vefmyndavél mbl.is og er staðfest af Sigrúnu Ingu Ævarsdóttur, upplýsingafulltrúa HS Veitna, í samtali við mbl.is. 

Rafmagn fór af í Grindavík í gær og gerðist það fyrst í austurhluta bæjarins snemma um morguninn, eða klukkan 5.17.

Svo um klukkan 8 í gær fór rafmagnið af í vesturhluta bæjarins eftir að bilun kom upp í dreifikerfinu. Rafmagn er ekki komið á í austurhluta bæjarins.

Sigrún segir að nú verði metið hvort að hægt sé að gera við þessa bilun í samspili við almannavarnir í ljósi þess að það er enn hættuástand í bænum.

Tengdar fréttir

Eldvirkni á Reykjanesskaga

Dregið úr skjálftavirkni

• Greina breytingar á skjálftavirkni
• Veðurstofan í biðstöðu
• Áframhaldandi skjálftavirkni við Svartsengi
• Rólegt á vakt Veðurstofunnar

» Fleiri tengdar fréttir

• Blogga um frétt