Engin innistæða er til lækkunar á sorphirðugjöldum í Reykjavík í þeim tilfellum þar sem sorphirða hefur tafist eða þar sem ruslatunnur hafa setið fullar í lengri tíma.

Þetta kemur fram í skriflegum svörum Guðmundar B. Friðrikssonar, skrifstofustjóra á skrifstofu umhverfisgæða hjá Reykjavíkurborg, við fyrirspurn mbl.is. Hann bendir á að sorphirðugjöld séu ákvörðuð samkvæmt heimild í lögum um meðhöndlun úrgangs og lögum um hollustuhætti og mengunarvarnir.

Gjöldin séu reiknuð og áætluð almennt og sem næst raunkostnaði við fjárhagsáætlunargerð næsta árs. Þau eru reiknuð fyrir árið og ekki breytt nema verulegar breytingar verði á áætlun.

Frétt af mbl.is

Ráða ekki við eigið kerfi

Lengri vinnudagar til að vinna upp hirðutíðni

„Samkvæmt framangreindum lögum um meðhöndlun úrgangs ber að innheimta að fullu fyrir öllum kostnaði við meðhöndlun úrgangs. Það að nú hafi orðið tafir á hirðu vegna færðar, bilana á hirðubílum og mikils magns úrgangs dregur ekki úr kostnaði við sorphirðu heldur þvert á móti eykur hann. Vinna þarf lengri daga og um helgar til að halda í eða vinna upp hirðutíðni. Það er því engin innistæða til lækkunar á hirðugjöldum,“ skrifar Guðmundur.

Þá bendir hann á að tekjur af sorphirðugjöldum hafa undanfarin fimm ár verið undir kostnaði við meðhöndlun úrgangs.

Frétt af mbl.is

„Við komumst bara ekki eins hratt yfir“

Tengdar fréttir

Sorphirða

Lokahnykkurinn að fullri starfsemi GAJU

• Sorpu heimilt að semja við Stena
• Ekki ljóst hvað tekur við þegar lokað verður á Dalvegi
• Losun á pappír og plasti einni viku á eftir áætlun
• „Íbúar eru eðlilega argir yfir þessu“

» Fleiri tengdar fréttir

• Blogga um frétt