Einar Freyr Elínarson, sveitarstjóri Mýrdalshrepps, undirritaði í dag, fyrir hönd sveitarfélagsins, viljayfirlýsingu um fjölgun íbúða í Vík.

Verkefnið felst í byggingu 16-20 íbúða fjölbýlishúss þar sem Brák leigufélag mun kaupa á bilinu 10-12 íbúðir með stofnframlögum frá ríki og sveitarfélagi, að því er segir á vef Mýrdalshrepps.

Framkvæmdir geti hafist í ár

Þar segir enn fremur, að yfirlýsingin sé undirrituð af fulltrúum Mýrdalshrepps, Húsnæðis- og mannvirkjastofnunar (HMS) og byggingaraðilans SV3 ehf. Ákveðið var að ganga til samninga við SV3 í kjölfar þess að auglýst var eftir áhugasömum byggingaraðilum í desember.

„Verkefnið er unnið á grundvelli samnings sem sveitarfélagið og innviðaráðuneytið samþykktu í nóvember 2023 um íbúðauppbyggingu til næstu 10 ára og er í samræmi við húsnæðisáætlun sveitarfélagsins.

Vonir standa til þess að framkvæmdir geti hafist um mitt ár 2024 og að þeim verði lokið um mitt ár 2025,“ segir í tilkynningunni. 

Tengdar fréttir

Húsnæðismarkaðurinn

Helmingi færri íbúðir en í áætlunum

• „Fyllumst vanmætti við slíkar aðstæður“
• Sjáum til lands í baráttunni við verðbólguna
• Sjálfbærnivottanir valdi hærra fasteignaverði
• Vill húsnæðisliðinn út úr viðmiði

» Fleiri tengdar fréttir

• Blogga um frétt