Ólíklegt að það dragi til tíðinda í nótt
Setja bókamerki
Aðeins um 10 skjálftar hafa mælst við Sundhnúkagígaröðina síðustu klukkustundina en dregið hefur jafnt og þétt úr skjálftavirkninni frá því að kvikuhlaup náði hámarki í dag.
Til samanburðar mældust um 130 skjálftar á milli klukkan 16 og 17 í dag þegar skjálftahrinan stóð sem hæst.
Þetta segir Salóme Jórunn Bernharðsdóttir, náttúruvársérfræðingur hjá Veðurstofu Íslands, í samtali við mbl.is. Hún telur ólíklegt að það dragi til tíðinda í nótt en útilokar það ekki.
Skjálftahrina hófst við Sundhnúkagígaröðina um klukkan 16 í dag, á suðurenda gossprungunnar þar sem gaus 18. desember. Í upphafi var virknin mest austan við Sýlingarfell en færðist síðan suður að Hagafelli.
Má ekki gera ráð fyrir að atburðinum sé lokið
„Það er eiginlega tvennt í þessu, annars vegar gæti verið að kvika nái yfirborði mjög hljóðlega, svolítið eins og gerðist í Fagradalsfjalli […]. Það þýðir þá að það sé bara smá kvika að koma inn í kvikuganginn, inn í innskotið, og nær síðan að mjaka sér upp á yfirborð,“ segir Salóme.
„Það gæti líka verið að það komi eitthvað áhlaup í kerfið, þannig að við viljum bíða með að lýsa því yfir að öll hætta sé úti. Það er líklegast að þetta endi með engu, úr þessu sem komið er,“ bætir náttúruvársérfræðingurinn við.
„En það má alls ekki gera ráð fyrir því.“
Hyggst skoða lög um nafnabreytingar
Segir PISA-niðurstöðurnar endurspegla menntakerfið
Kerfið féll á prófinu
„Björguðu lífi þessa fólks“
Lögregla handtók mann sem reyndist eftirlýstur
Kennir að vera Íslendingur í þúsundasta skipti
Dagbjört dæmd í 10 ára fangelsi fyrir líkamsárás
Afhendir yngri kynslóðum keflið