Nóttin hefur verið fremur róleg við Sundhnúkagígaröðina að sögn Salóme Jórunnar Bernharðsdóttur, náttúruvársérfræðings hjá Veðurstofu Íslands. Um 30 skjálftar hafa mælst á svæðinu frá miðnætti.
„Það kom smá kippur um klukkan fimm í skjálftavirkninni, en hún er nú ekki merki um að hlutirnir séu að fara af stað aftur.“
Til samanburðar mældust um 130 skjálftar á milli klukkan 16 og 17 í dag þegar skjálftahrinan stóð sem hæst.
„Þetta var almennt voða svipað og var í gærkvöldi, svo frekar ófréttnæmt,“ segir Salóme.
Fundað verður um stöðuna klukkan níu og farið yfir mögulegar sviðsmyndir.