Formaður Sam­taka ferðaþjón­ust­unn­ar segist hafa tilefni til að trúa að samningar náist milli Samtaka atvinnulífsins (SA) og breiðfylkingarinnar áður en Eflingarfólk greiðir atkvæði um verkfall klukkan 16 á morgun.

Breiðfylking stéttarfélaga á vinnumarkaði og SA funduðu með ríkissáttasemjara í dag. Fundurinn gekk vel og hefur annar verið boðaður í Karp­hús­inu klukk­an níu í fyrra­málið.

Efl­ing boðaði í síðustu viku til at­kvæðagreiðslu um vinnu­stöðvun­ hjá ræst­ing­ar­fólki. Ráðgert er að kosn­ing­in hefj­ist klukk­an 16 á morg­un.

Formaður Eflingar sagði við mbl.is fyrr í dag að atkvæðagreiðslunni yrði ekki aflýst – eða allavega ekki fyrr en „við sjá­um al­veg til lands, sem gæti gerst á morgun“.

Frétt af mbl.is

Gæti sést til lands á morgun

Mikilvægt að það komi ekki til verkfallsaðgerða

„Við óskum þess að það náist samningar áður en það komi til þessara atkvæðagreiðslu og ég tala nú ekki um verkfallsaðgerðir að hálfu Eflingar,“ segir Bjarnheiður Hallsdóttir, formaður Sam­taka ferðaþjón­ust­unn­ar, sem hefur einnig setið á fundum í Karphúsinu.

„Það er mikilvægt að það komi ekki til þessara aðgerða og ég hef svosem trú á því að það ætti að nást,“ bætir hún við.

Þú segist vona að samningar náist áður en kemur til atkvæðagreðslu. Hún hefst kl. 16 á morgun. Hefurðu trú á því að það náist?

„Ég hef tilefni til að trúa að það náist. Það væri gríðarlegur léttir fyrir okkur öll ef það næðust samningar og við þyrftum ekki að óttast einhvern ófrið á vinnumarkaði,“ svarar Bjarnheiður.

Frétt af mbl.is

„Ekkert víst að þetta klikki“

Verkföll á Keflavíkurflugvelli hefðu slæm áhrif

Bjarnheiður telur að verkföll ræstingarfólks yrðu þungt högg fyrir ferðaþjónustuna, sem sé þegar í erfiðri stöðu, helst vegna villandi umfjöllunar erlendra fjölmiðla um jarðhræringar á Reykjanesskaga.

Hún bendir einnig á að fjöldi ferðamanna sem sótti Ísland heim hafi dregist saman í janúar.

Þá segir hún að hugsanleg áform VR um verkföll starfs­fólks í flugaf­greiðslu á Kefla­vík­ur­flug­velli myndu einnig hafa slæm áhrif, að mati Bjarnheiðar.

Frétt af mbl.is

Hóflegar launahækkanir nægja ekki einar og sér

Tengdar fréttir

Kjaraviðræður

Farmenn felldu nýjan kjarasamning

• Vilja hækka frítekjumörk og tekjur
• Nýr kjarasamningur Eflingar samþykktur
• Ellefu mál á borði sáttasemjara
• Vísa kjaradeilu tollvarða til gerðardóms

» Fleiri tengdar fréttir

• Blogga um frétt