Áfram verður lokað á Skutulsfjarðarbraut og Hnífsdalsvegi vegna snjóflóðahættu. Mikið hefur snjóað í nótt og skafið í skafla.
Staðan verður endurmetin þegar úrkoma minnkar en útlit er fyrir að það verði ekki næstu klukkustundirnar, að sögn lögreglunnar á Vestfjörðum.
Aðrir vegir á norðanverðum Vestfjörðum verða ekki skoðaðir á næstunni með tilliti til snjóflóðahættu.