„Þetta er mjög ánægjuleg stund“
Setja bókamerki
Katrín Jakobsdóttir fráfarandi forsætisráðherra segist glöð yfir því að ríkisstjórnarflokkarnir hafi komið sér saman um starfhæfa ríkisstjórn.
„Þetta er mjög ánægjuleg stund,“ sagði hún við fjölmiðlamenn fyrir utan Bessastaði í kvöld. Þar fer nú fram ríkisráðsfundur og lætur Katrín formlega af embætti. Síðar hefst annar fundur þar sem Bjarni Benediktsson tekur við embætti forsætisráðherra.
„Sjáið þið hvað það er fallegt veður hérna? Þetta gæti ekki verið fegurra.“
Glöð yfir því að samkomulag hafi náðst
Ertu sátt við lendinguna?
„Ég er glöð yfir því að þessir flokkar hafi náð að koma sér saman um starfhæfa ríkisstjórn.“
Spurð hvort hún sé ánægð með að tekist hafi að mynda nýja ríkisstjórn svo að hún geti einbeitt sér að sínu svaraði Katrín: „Að sjálfsögðu. “
Svandís Svavarsdóttir, matvælaráðherra og þingmaður Vinstri grænna, verður innviðaráðherra í nýrri ríkisstjórn með Framsóknarflokki og Sjálfstæðisflokki.
Bjarkey Olsen Gunnarsdóttir, þingmaður Vinstri grænna, tekur við matvælaráðuneytinu af Svandísi.
Þá verður Sigurður Ingi Jóhannsson, formaður Framsóknarflokksins, fjármálaráðherra en Þórdís Kolbrún R. Gylfadóttir verður utanríkisráðherra.
Innviðagjald skili 30 milljörðum
Hjólandi fjölgar hægt en örugglega
„Eigum eftir að sjá miklar sviptingar“
Óásættanlegt hversu langan tíma viðræður hafa tekið
Hægist á eftir mikinn uppgang
Fullyrðir að kindurnar beri ekki eftirlitslausar
„Þakklátur að hanga í toppsætunum“
11 verða í framboði til embættis forseta Íslands