Svör allra frambjóðenda við sjö spurningum
Baráttan um Bessastaði heldur áfram en aðeins átta dagar eru þar til landsmenn kjósa sinn næsta forseta.
mbl.is/Kristinn Magnússon
Setja bókamerki
Mbl.is gaf öllum 12 frambjóðendum til embættis forseta Íslands tækifæri til að svara sjö spurningum og tóku allir frambjóðendur þátt.
Frambjóðendurnir eru með mismunandi áherslur og sýn á forsetaembættið og geta lesendur haganlega borið svör þeirra saman í fréttunum sem fylgja hér fyrir neðan.
Enginn sagði að maki forseta ætti að vera launuð staða
Allir frambjóðendur fengu eftirfarandi sjö spurningar:
- Hvað finnst þér mikilvægast við embætti forseta Íslands?
- Hvað hefur þú helst fram að færa til embættisins umfram aðra frambjóðendur?
- Á maki forseta að hafa formlega, launaða stöðu?
- Á forseti að vera virkur þátttakandi í þjóðmálaumræðu?
- Hvað vægi þyngst í ákvörðun um að synja lögum staðfestingar: rök stjórnarandstöðu, mótmæli, ráðgjöf eða eigin dómgreind?
- Hver eru brýnustu viðfangsefni Íslendinga nú og hvað hefur forseti til þeirra mála að leggja?
- Hver er hæfilegur tími í embætti fyrir forseta?
Athygli vekur að enginn frambjóðandi svaraði játandi spurningunni um það hvort að maki forseta ætti að vera á launum. Svörin voru mismunandi og minntust sumir á það að starf maka forseta geti verið krefjandi.
Hægt er að lesa þessi viðtöl með því að smella á fréttirnar sem eru hlekkjaðar í fréttina eða með því að smella hér.
Helsta sóknarfærið í elstu hópunum
Töluverður reykur og vatn inni í Kringlunni
„Höfum talað fyrir daufum eyrum“
„Er til bóta en búið að þynna það allt of mikið“
Eldur í þaki Kringlunnar
„Of algengt að við séum að fara í svona útköll“