Austurríki, Eistland, Kýpur, Litháen, Ísrael, Tékkland, Búlgaría, Albanía, Finnland og Írland.

Ísland komst ekki áfram. Þetta er fjórða árið í röð sem Ísland kemst ekki áfram úr undankeppninni.

Austurríki, Eistland, Kýpur, Litháen og Ísrael eru komin áfram. Fimm lönd eftir í hattinum!

Það eru komin staðfest úrslit. Löndin verða lesin upp í tilviljanakenndri röð.

Nú er verið að fara yfir þau lönd sem taka þátt í atkvæðagreiðslunni í kvöld, en eru þegar komin áfram í úrslitin. Þetta eru Portúgal, Spánn og Bretland.

Spánn og Bretland eru hluti af „stóru löndunum fimm“ sem leggja mest til keppninnar og komast því alltaf beint í úrslit. Gestgjafarnir, Portúgal, þurfa heldur ekki að taka þátt í undankeppninni. Þá er bara að vona að Ari hafi heillað Portúgala, Breta og Spánverja í kvöld.

Þýskaland, Ítalía og Frakkland greiða svo atkvæði í undankeppninni á fimmtudag.

Svala Björgvins, sem flutti framlag Íslands í fyrra, sneri aftur á skjáinn rétt í þessu í innslagi þar sem leiðin til Lissabon var rakin. Nokkrir keppendur sem tóku þátt í fyrra sungu brot úr sigurlaginu, Amar Pe­los Dois, sem Sal­vador Sobral flutti á ógleymanlegan hátt. Svala söng upphaf lagsins og gerði það með glæsibrag, í gullúlpu með íslenskt hraun í bkasýn.

Aser­baíd­sj­an, Alban­íu, Belg­íu, Tékk­land, Lit­há­en, Ísra­el, Hvíta-Rúss­land, Eist­land, Búlga­ría, Makedón­íu, Króatía, Aust­ur­ríki, Grikk­land, Finn­land, Armen­íu, Sviss, Írland eða Kýp­ur?

Það er hægt að kjósa með því að hringja, senda SMS eða í gegnum Eurovision-appið. Hægt er að kjósa 20 sinnum úr hverju númeri.

Einn, tveir og byrja!

Þá er komið að síðasta atriði kvöldsins, Kýpur. Eleni Foureira skákaði Nettu frá Ísrael í dag, að minnsta kosti í veðbönkunum, en Kýp­ur hoppaði upp fyr­ir Nettu eft­ir dóm­ar­ar­ennslið í gær.

Eleni, sem er albönsk að uppruna, klæðist samfesting og minnir óneitanlega á Beyoncé í hreyfingum sínum, enda hefur hún sagst vilja verða hin kýpverska Beyoncé. Hver vill það ekki?

Það er snjókoma hjá hinum írska Ryan O´Shaughnessy þega hann flytur lagið Fuego. Hann hlýtur að fá nokkur atkvæði frá okkur Íslendingum. Eða erum við kannski komin með nóg af snjó?

Systkinin Coco og Stee mynda dúettinn ZiBBZS sem flytur lagið Stones. Þau hafa unnið saman frá árinu 2008 og segjast vera sálufélagar, bæði á sviði og utan þess. Fallegt.

Fjögur lög eftir. Armenar eru næstir og Sevak Khanagyan er mættur á sviðið í skýjaþoku. Hann flytur lagið Qami á móðurmáli sínu. Qami þýðir víst vindur en Sevak ákvað að skilja vindvélina eftir heima. Af hverju?